అభివృద్ధిలో గర్జించే నాయకత్వం.. గురజాల జగన్మోహన్ ధీమా...

గాయపడిన సింహం శ్వాసే గర్జన కంటే భయంకరం ఎమ్మెల్యే గురజాల వ్యాఖ్యల...

ప్రజలే బలం.. అభివృద్ధే లక్ష్యం గురజాల జగన్మోహన్...

చిత్తూరు అభివృద్ధికి వేగం పెంచుతాం.. ఎమ్మెల్యే గురజాల స్పష్టం...

అడ్డంకులు వచ్చినా వెనుకడుగు లేదు.. అభివృద్ధి పథంలో గురజాల జగన్మోహన్....

చిత్తూరు (జులై 08),(జర్నలిస్ట్ జ్ఞాన ప్రకాష్)డైలీ :గాయపడిన సింహం నుంచి వచ్చే శ్వాస... గర్జన కంటే భయంకరంగా ఉంటుంది. అలాగే ప్రజల ఆశీస్సులు నమ్మకం ఉన్న నాయకుడిని ఎవరూ అడ్డుకోలేరు. అభివృద్ధి కోసం ప్రారంభించిన ప్రయాణం ఏ పరిస్థితుల్లోనూ ఆగదు అని చిత్తూరు నియోజకవర్గ ఎమ్మెల్యే గురజాల జగన్మోహన్ పేర్కొన్నారు.
నియోజకవర్గ ప్రజల అభ్యున్నతే తన ఏకైక లక్ష్యమని ఆయన స్పష్టం చేశారు. ఎన్నికల సమయంలో ప్రజలకు ఇచ్చిన ప్రతి హామీని అమలు చేయడమే తన బాధ్యతగా భావిస్తున్నానని తెలిపారు. అభివృద్ధి పనులకు ఎలాంటి ఆటంకాలు వచ్చినా వాటిని ధైర్యంగా ఎదుర్కొంటూ ముందుకు సాగుతానని చెప్పారు.చిత్తూరు నియోజకవర్గాన్ని అన్ని రంగాల్లో ఆదర్శవంతంగా తీర్చిదిద్దేందుకు ప్రభుత్వం సహకారంతో విస్తృతంగా అభివృద్ధి కార్యక్రమాలు చేపడుతున్నామని వివరించారు. రహదారులు, తాగునీటి సౌకర్యాలు, పారిశుధ్యం, విద్య, వైద్యం, మౌలిక వసతుల కల్పన వంటి అంశాలకు ప్రాధాన్యం ఇస్తున్నామని తెలిపారు. ప్రజలకు అవసరమైన ప్రతి సదుపాయం అందుబాటులోకి తీసుకురావడమే తమ లక్ష్యమన్నారు.ప్రజల సమస్యలను ఎప్పటికప్పుడు తెలుసుకుంటూ వాటి పరిష్కారానికి కృషి చేస్తున్నామని ఎమ్మెల్యే పేర్కొన్నారు. గ్రామాలు వార్డుల్లో పర్యటిస్తూ ప్రజలతో నేరుగా మాట్లాడుతున్నామని వారి సూచనలను పరిగణనలోకి తీసుకుని అభివృద్ధి ప్రణాళికలు రూపొందిస్తున్నామని చెప్పారు. ప్రజల విశ్వాసమే తనకు గొప్ప బలమని వారి ఆశీర్వాదాలతోనే మరింత ఉత్సాహంగా పనిచేస్తున్నానని అన్నారు.
అభివృద్ధి పనుల విషయంలో రాజీ పడే ప్రసక్తే లేదని గురజాల జగన్మోహన్ స్పష్టం చేశారు. రాజకీయ విమర్శలను పట్టించుకోకుండా ప్రజా సంక్షేమమే ధ్యేయంగా పనిచేస్తామని తెలిపారు. నియోజకవర్గ అభివృద్ధికి అడ్డంకులు సృష్టించే ప్రయత్నాలు జరిగినా వాటిని సమర్థవంతంగా ఎదుర్కొంటామని పేర్కొన్నారు.ప్రతి గ్రామం అభివృద్ధి చెందితేనే నియోజకవర్గం అభివృద్ధి చెందుతుందనే భావనతో ముందుకు సాగుతున్నామని ఆయన తెలిపారు.యువతకు ఉపాధి అవకాశాలు, మహిళల సాధికారత, రైతుల సంక్షేమం, విద్యార్థులకు మెరుగైన విద్యా సౌకర్యాలు కల్పించే దిశగా చర్యలు తీసుకుంటున్నామని చెప్పారు. ప్రభుత్వ సంక్షేమ పథకాలు అర్హులందరికీ చేరేలా ప్రత్యేక దృష్టి సారిస్తున్నామని వివరించారు.ప్రజలు తనపై ఉంచిన నమ్మకాన్ని నిలబెట్టుకోవడం కోసం నిరంతరం కృషి చేస్తానని ఎమ్మెల్యే తెలిపారు. ప్రజలతో కలిసి చిత్తూరును మరింత అభివృద్ధి పథంలో నడిపించేందుకు శక్తివంచన లేకుండా పనిచేస్తానని చెప్పారు. ప్రజల సహకారం కార్యకర్తల అండతో చిత్తూరు నియోజకవర్గాన్ని అన్ని రంగాల్లో ముందంజలో నిలిపేలా కృషి కొనసాగుతుందని పేర్కొన్నారు.ఈ సందర్భంగా పార్టీ నాయకులు, కార్యకర్తలు ఎమ్మెల్యే నాయకత్వంపై విశ్వాసం వ్యక్తం చేస్తూ, నియోజకవర్గ అభివృద్ధికి ఆయన చేపడుతున్న కార్యక్రమాలకు ప్రజల నుంచి మంచి స్పందన లభిస్తోందని తెలిపారు.