సోమల జెడ్పీ ఉన్నత పాఠశాలకు క్రీడా దుస్తులు, రివాల్వింగ్‌ చైర్‌ వితరణ

సోమల, ఆగస్టు 19 (రాజనీతి): సోమల జిల్లా పరిషత్‌ ఉన్నత పాఠశాలకు క్రీడా దుస్తులు, రివాల్వింగ్‌ చైర్‌ను బేయర్‌ సంస్థ ప్రతినిధులు వితరణ చేశారు. సంస్థ రీజినల్‌ మేనేజర్‌ శ్రీధర్‌రెడ్డి, టెరిటోరియల్‌ మేనేజర్‌ విష్ణు చేతుల మీదుగా ఈ సామగ్రిని అందించారు. విద్యార్థులు క్రీడల్లో మరింత ప్రతిభ కనబరచాలనే ఉద్దేశంతో క్రీడా దుస్తులు అందించినట్లు శ్రీధర్‌రెడ్డి తెలిపారు. పాఠశాల అభివృద్ధికి చైర్‌ అందించినట్లు పేర్కొన్నారు. పాఠశాల ప్రధానోపాధ్యాయులు హేమసుధాకర్‌ కృతజ్ఞతలు తెలిపారు. కార్యక్రమంలో ఉపాధ్యాయులు, విద్యార్థులు పాల్గొన్నారు.