పార్టీ కోసం పనిచేసిన 10వార్డు ప్రియకు అవకాశం దక్కాలని స్థానికుల ఆకాంక్ష

చిత్తూరు,(రాజనీతి): చిత్తూరు నియోజకవర్గంలోని 10వ వార్డు వెంగళరావు కాలనీలో టీడీపీ నాయకురాలు ప్రియ పార్టీ కార్యక్రమాల్లో చురుగ్గా పాల్గొంటున్నారు. పార్టీ బలోపేతానికి ఇంటింటి ప్రచారం నిర్వహిస్తూ, ప్రజలతో మమేకమవుతున్నారని స్థానికులు పేర్కొంటున్నారు. గత అసెంబ్లీ ఎన్నికల సమయంలో ప్రస్తుత ఎమ్మెల్యే గురజాల జగన్మోహన్‌ విజయానికి ఆమె ప్రచారంలో పాల్గొన్నారని, ఆ సమయంలో ఎదురైన ఇబ్బందులు, అవమానాలను అధిగమిస్తూ పార్టీ కార్యకలాపాల్లో కొనసాగారని ఆమె అనుచరులు చెబుతున్నారు.ప్రియ కుటుంబానికి తరతరాలుగా తెలుగుదేశం పార్టీతో అనుబంధం ఉందని స్థానికంగా చర్చ సాగుతోంది. తాజాగా 10వ వార్డు కార్పొరేటర్‌ స్థానం ఎస్సీ వర్గానికి కేటాయించిన నేపథ్యంలో అభ్యర్థి ఎంపికపై ఆసక్తి నెలకొంది. పార్టీ తరఫున అధికారికంగా అభ్యర్థి పేరు ఖరారు కావాల్సి ఉండటంతో, ప్రియకు అవకాశం లభిస్తుందనే ఆశాభావాన్ని కొందరు స్థానికులు వ్యక్తం చేస్తున్నారు. అయితే అభ్యర్థి ఎంపిక పూర్తిగా పార్టీ అధిష్ఠానం నిర్ణయంపై ఆధారపడి ఉంటుంది. ఎన్నికల ప్రవర్తనా నియమావళి అమల్లో ఉన్న నేపథ్యంలో అధికారిక ప్రకటన వచ్చే వరకు ఎలాంటి నిర్ణయానికీ రావాల్సిన అవసరం లేదని రాజకీయ వర్గాలు భావిస్తున్నాయి.