చుండూరు అమరవీరులకు ఘన నివాళి

చుండూరు దళిత నరమేధానికి 35 ఏళ్లు పూర్తైన సందర్భంగా పీలేరులో మాలమహానాడు ఆధ్వర్యంలో అమరవీరులకు ఘన నివాళులర్పించారు. నాయకులు మాట్లాడుతూ చుండూరు ఘటనకు పూర్తి న్యాయం ఇంకా జరగలేదని, నేటికీ మాల, మాదిగలపై దాడులు కొనసాగుతున్నాయని ఆందోళన వ్యక్తం చేశారు. ఎస్సీ, ఎస్టీ అట్రాసిటీ చట్టాన్ని కఠినంగా అమలు చేయాలని, సుప్రీంకోర్టులో ఉన్న చుండూరు కేసును వేగంగా విచారించి దోషులకు శిక్షలు విధించాలని, దళితుల హక్కులు, ఆత్మగౌరవ పరిరక్షణకు అన్ని ప్రజాస్వామ్య శక్తులు ఏకమై పోరాడాలని పిలుపునిచ్చారు.