5కే కార్ కేర్ సెంటర్‌ను ప్రారంభించిన ఎమ్మెల్యే డాక్టర్ కలికిరి మురళీమోహన్

చిత్తూరు, జూలై 17 (రాజనీతి): చిత్తూరు నగరంలోని న్యూ కలెక్టరేట్ సమీపంలో నూతనంగా ఏర్పాటు చేసిన 5కే కార్ కేర్ సెంటర్‌ను పూతలపట్టు ఎమ్మెల్యే డాక్టర్ కలికిరి మురళీమోహన్ ప్రారంభించారు. ఈ సందర్భంగా ఆయన మాట్లాడుతూ, యువ పారిశ్రామికవేత్తలు స్వయం ఉపాధి రంగంలో ముందుకు రావడం అభినందనీయమని అన్నారు. ఆధునిక సాంకేతికతతో నాణ్యమైన సేవలు అందిస్తూ సంస్థ విజయవంతంగా కొనసాగాలని ఆకాంక్షించారు. కార్యక్రమంలో స్థానిక ప్రజాప్రతినిధులు, వ్యాపారవేత్తలు, అభిమానులు తదితరులు పాల్గొన్నారు.