పాఠశాల విద్యార్థుల కంటి ఆరోగ్యానికి పెద్దపీట.. అన్నమయ్య జిల్లాలో ప్రత్యేక శిక్షణ కార్యక్రమం

రాయచోటి, జూలై 10: జాతీయ అంధత్వ నివారణ మరియు దృష్టి లోప నియంత్రణ కార్యక్రమం (NPCB & VI) ఆధ్వర్యంలో అన్నమయ్య జిల్లా వైద్య ఆరోగ్య శాఖ ప్రత్యేక ఆధ్వర్యంలో **స్కూల్ చిల్డ్రన్ ఐ స్క్రీనింగ్ ప్రోగ్రామ్ (SCESP)**పై శిక్షణ కార్యక్రమాన్ని శుక్రవారం రాయచోటి డీబీసీఎస్ (DBCS) కార్యాలయంలో నిర్వహించారు.

ఈ శిక్షణలో ప్రభుత్వ ఆసుపత్రుల పీఎంఓలు (PMOs), ఏపీవీవీపీ పీఎంఓఏలు, ఆర్‌బీఎస్‌కే మెడికల్ అధికారులు, ఆప్టోమెట్రిస్టులు పాల్గొన్నారు. పాఠశాల విద్యార్థుల్లో కంటి చూపు లోపాలు, దృష్టి సమస్యలను ప్రారంభ దశలోనే గుర్తించి సకాలంలో చికిత్స అందించే విధానాలపై వైద్య నిపుణులు అవగాహన కల్పించారు.

కంటి ఆరోగ్య పరీక్షల నిర్వహణ, దృష్టి లోపాల గుర్తింపు, అవసరమైన విద్యార్థులను ఉన్నత వైద్య కేంద్రాలకు రిఫర్ చేయడం, ఉచిత కంటి అద్దాల పంపిణీ, కంటి ఆరోగ్య పరిరక్షణలో పాటించాల్సిన జాగ్రత్తలపై సమగ్రంగా శిక్షణ అందించారు.

ఈ కార్యక్రమానికి అన్నమయ్య జిల్లా కలెక్టర్ శ్రీ నిశాంత్ కుమార్, ఐఏఎస్, జిల్లా వైద్య ఆరోగ్య శాఖాధికారి డా. కె. లక్ష్మీ నరసయ్య, డీపీఎం (NPCB & VI) డా. ఎం. రియాజ్ బేగ్ మార్గదర్శకత్వం వహించారు.

అధికారులు మాట్లాడుతూ, పాఠశాల విద్యార్థుల కంటి ఆరోగ్య పరిరక్షణకు ఈ కార్యక్రమం ఎంతో ఉపయోగపడుతుందని, ప్రతి విద్యార్థికి కంటి పరీక్షలు నిర్వహించి దృష్టి సమస్యలను ముందుగానే గుర్తించి తగిన వైద్య సేవలు అందించడమే ప్రభుత్వ లక్ష్యమని తెలిపారు.