భార్య తిట్టిందని గొంతు కోసుకున్న భర్త

చౌడేపల్లి, ఆగస్టు 25 (రాజనీతి): భార్య తిట్టిందనే మనస్తాపంతో భర్త గొంతు కోసుకున్న ఘటన చౌడేపల్లి మండలంలో చోటుచేసుకుంది. దిగువపల్లి పంచాయతీ యానాదిపాలెంకు చెందిన గుర్రప్ప (20) కూలి పనులు చేసుకుంటూ జీవిస్తున్నాడు. భార్యాభర్తల మధ్య గొడవ జరగడంతో మనస్తాపానికి గురైన గుర్రప్ప కత్తితో గొంతు కోసుకున్నాడు. తీవ్ర గాయాలతో అపస్మారక స్థితిలో ఉన్న అతడిని స్థానికులు, కుటుంబ సభ్యులు చౌడేపల్లి ప్రభుత్వ ఆసుపత్రికి తరలించారు. అనంతరం మెరుగైన వైద్యం కోసం పుంగనూరు ప్రభుత్వ ఆసుపత్రికి తరలించారు.