rajaneethi.in
నేరాల నివారణలో అంగన్వాడీ సిబ్బంది సహకారం కీలకం
రేణిగుంట, ఆగస్టు 12 (రాజనీతి): రేణిగుంట పట్టణంలోని బాలికల పాఠశాలలో నిర్వహిస్తున్న జ్ఞానజ్యోతి శిక్షణ కార్యక్రమంలో రేణిగుంట అర్బన్ ఎస్ఐ శ్రీనివాసులు అంగన్వాడీ సిబ్బందికి అవగాహన కల్పించారు. గ్రామాల్లో ప్రజలతో నిరంతరం మమేకమయ్యే అంగన్వాడీ సిబ్బందికి కుటుంబాలు, వారి పరిస్థితులు, సమస్యలపై మంచి అవగాహన ఉంటుందని తెలిపారు. నేరాల నివారణలో వారి సహకారం పోలీసులకు ఎంతో ఉపయోగపడుతుందన్నారు. ప్రజలు ఇళ్లకు తాళాలు వేసి బయటకు వెళ్లే సమయంలో పోలీసుల లాక్డ్ హౌస్ మానిటరింగ్ సిస్టమ్ (ఎల్హెచ్ఎంఎస్) సేవలను వినియోగించుకోవాలని సూచించారు.