నేడు ప్రపంచ ఆహార దినోత్సవం...ప్రపంచవ్యాప్తంగా 64.5 కోట్ల మందికి ఆకలి సమస్య!
రాజనీతి | ప్రత్యేక కథనం | అక్టోబర్‌ 16, 2026
ప్రపంచవ్యాప్తంగా ఆహార ఉత్పత్తి పెరుగుతున్నప్పటికీ ఆకలి సమస్య పూర్తిగా తొలగిపోవడం లేదు. వాతావరణ మార్పులు, యుద్ధాలు, ఆర్థిక సంక్షోభాలు, ఆహార ధరల పెరుగుదల కారణంగా కోట్లాది మంది పౌష్టికాహారానికి దూరమవుతున్నారు. ఈ నేపథ్యంలో అక్టోబర్‌ 16న నిర్వహించే ప్రపంచ ఆహార దినోత్సవం సందర్భంగా ఆహార భద్రతలో సాంకేతిక ఆవిష్కరణల ప్రాధాన్యం మరోసారి చర్చనీయాంశమైంది.
ఐక్యరాజ్యసమితి వెల్లడించిన వివరాల ప్రకారం ప్రపంచవ్యాప్తంగా సుమారు 64.5 కోట్ల మంది ఆకలితో బాధపడుతుండగా, దాదాపు 270 కోట్ల మందికి ఆరోగ్యకరమైన ఆహారం కొనుగోలు చేసే స్థోమత లేదు. ఈ ఏడాది ప్రపంచ ఆహార దినోత్సవానికి ఐక్యరాజ్యసమితి ఆహార, వ్యవసాయ సంస్థ (ఎఫ్‌ఏఓ) ‘నేడు ఆవిష్కరించండి.. రేపటి తరానికి పోషణ అందించండి’ అనే ఇతివృత్తాన్ని ప్రకటించింది.
ఆహార కొరత ఎదుర్కొన్న దేశం నుంచి ఆహార ధాన్యాల ఉత్పత్తిలో అగ్రస్థానానికి చేరుకున్న భారత్‌ ప్రయాణం ప్రపంచానికి ముఖ్యమైన ఉదాహరణగా నిలుస్తోంది. హరిత విప్లవం, అధిక దిగుబడినిచ్చే విత్తనాలు, సాగునీటి సదుపాయాల విస్తరణ దేశ వ్యవసాయ రంగాన్ని మార్చాయి. ప్రస్తుతం ధాన్యాలు, పాలు, పప్పుధాన్యాలు, పండ్లు, కూరగాయల ఉత్పత్తిలో భారత్‌ ప్రముఖ స్థానంలో ఉంది.
ఆహార భద్రతను బలోపేతం చేయడంలో ప్రభుత్వ సంక్షేమ పథకాలు కూడా కీలక పాత్ర పోషిస్తున్నాయి. జాతీయ ఆహార భద్రత చట్టం కింద సుమారు 81 కోట్ల మందికి ఆహార ధాన్యాల ప్రయోజనాలు అందుతున్నాయి. ప్రధానమంత్రి గరీబ్‌ కల్యాణ్‌ అన్న యోజన ద్వారా అర్హులైన లబ్ధిదారులకు ఉచిత ధాన్యాల పంపిణీ కొనసాగుతోంది. డిజిటల్‌ రేషన్‌ కార్డులు, ‘వన్‌ నేషన్‌–వన్‌ రేషన్‌ కార్డ్‌’ విధానం ద్వారా వలస కార్మికులు సైతం ఇతర ప్రాంతాల్లో తమ రేషన్‌ పొందేందుకు అవకాశం ఏర్పడింది.
అయితే ఆహార ధాన్యాల ఉత్పత్తి పెరగడం ఒక్కటే ఆహార భద్రతకు సరిపోదని నిపుణులు అభిప్రాయపడుతున్నారు. ప్రజలకు సరిపడా ఆహారంతోపాటు పోషక విలువలున్న ఆహారం అందుబాటులో ఉండటం అత్యవసరం. ఇందుకోసం వాతావరణ మార్పులను తట్టుకునే పంటలు, ఆధునిక సాగు పద్ధతులు, నీటి సంరక్షణ, కృత్రిమ మేధ ఆధారిత వ్యవసాయ సలహాలు, ఆహార వృథా నివారణపై మరింత దృష్టి పెట్టాల్సిన అవసరం ఉంది.
ప్రత్యేకించి చిన్న, సన్నకారు రైతులు, మహిళా రైతులకు ఆధునిక సాంకేతిక పరిజ్ఞానం అందుబాటులోకి తీసుకురావడం కీలకం. సంప్రదాయ వ్యవసాయ విజ్ఞానాన్ని ఆధునిక పరిశోధనలతో అనుసంధానిస్తే తక్కువ వనరులతో అధిక దిగుబడులు సాధించే అవకాశం ఉంటుంది. ఆహార భద్రత అంటే కేవలం ఆకలి తీర్చడం కాదు.. ప్రతి ఒక్కరికీ సురక్షితమైన, పౌష్టికాహారం అందేలా చూడటమే అసలు లక్ష్యం.
ప్రపంచవ్యాప్తంగా ఆహార ఉత్పత్తి పెరుగుతున్నప్పటికీ ఆకలి సమస్య పూర్తిగా తొలగిపోవడం లేదు. వాతావరణ మార్పులు, యుద్ధాలు, ఆర్థిక సంక్షోభాలు, ఆహార ధరల పెరుగుదల కారణంగా కోట్లాది మంది పౌష్టికాహారానికి దూరమవుతున్నారు. ఈ నేపథ్యంలో అక్టోబర్‌ 16న నిర్వహించే ప్రపంచ ఆహార దినోత్సవం సందర్భంగా ఆహార భద్రతలో సాంకేతిక ఆవిష్కరణల ప్రాధాన్యం మరోసారి చర్చనీయాంశమైంది.
ఐక్యరాజ్యసమితి వెల్లడించిన వివరాల ప్రకారం ప్రపంచవ్యాప్తంగా సుమారు 64.5 కోట్ల మంది ఆకలితో బాధపడుతుండగా, దాదాపు 270 కోట్ల మందికి ఆరోగ్యకరమైన ఆహారం కొనుగోలు చేసే స్థోమత లేదు. ఈ ఏడాది ప్రపంచ ఆహార దినోత్సవానికి ఐక్యరాజ్యసమితి ఆహార, వ్యవసాయ సంస్థ (ఎఫ్‌ఏఓ) ‘నేడు ఆవిష్కరించండి.. రేపటి తరానికి పోషణ అందించండి’ అనే ఇతివృత్తాన్ని ప్రకటించింది.
ఆహార కొరత ఎదుర్కొన్న దేశం నుంచి ఆహార ధాన్యాల ఉత్పత్తిలో అగ్రస్థానానికి చేరుకున్న భారత్‌ ప్రయాణం ప్రపంచానికి ముఖ్యమైన ఉదాహరణగా నిలుస్తోంది. హరిత విప్లవం, అధిక దిగుబడినిచ్చే విత్తనాలు, సాగునీటి సదుపాయాల విస్తరణ దేశ వ్యవసాయ రంగాన్ని మార్చాయి. ప్రస్తుతం ధాన్యాలు, పాలు, పప్పుధాన్యాలు, పండ్లు, కూరగాయల ఉత్పత్తిలో భారత్‌ ప్రముఖ స్థానంలో ఉంది.
ఆహార భద్రతను బలోపేతం చేయడంలో ప్రభుత్వ సంక్షేమ పథకాలు కూడా కీలక పాత్ర పోషిస్తున్నాయి. జాతీయ ఆహార భద్రత చట్టం కింద సుమారు 81 కోట్ల మందికి ఆహార ధాన్యాల ప్రయోజనాలు అందుతున్నాయి. ప్రధానమంత్రి గరీబ్‌ కల్యాణ్‌ అన్న యోజన ద్వారా అర్హులైన లబ్ధిదారులకు ఉచిత ధాన్యాల పంపిణీ కొనసాగుతోంది. డిజిటల్‌ రేషన్‌ కార్డులు, ‘వన్‌ నేషన్‌–వన్‌ రేషన్‌ కార్డ్‌’ విధానం ద్వారా వలస కార్మికులు సైతం ఇతర ప్రాంతాల్లో తమ రేషన్‌ పొందేందుకు అవకాశం ఏర్పడింది.
అయితే ఆహార ధాన్యాల ఉత్పత్తి పెరగడం ఒక్కటే ఆహార భద్రతకు సరిపోదని నిపుణులు అభిప్రాయపడుతున్నారు. ప్రజలకు సరిపడా ఆహారంతోపాటు పోషక విలువలున్న ఆహారం అందుబాటులో ఉండటం అత్యవసరం. ఇందుకోసం వాతావరణ మార్పులను తట్టుకునే పంటలు, ఆధునిక సాగు పద్ధతులు, నీటి సంరక్షణ, కృత్రిమ మేధ ఆధారిత వ్యవసాయ సలహాలు, ఆహార వృథా నివారణపై మరింత దృష్టి పెట్టాల్సిన అవసరం ఉంది.
ప్రత్యేకించి చిన్న, సన్నకారు రైతులు, మహిళా రైతులకు ఆధునిక సాంకేతిక పరిజ్ఞానం అందుబాటులోకి తీసుకురావడం కీలకం. సంప్రదాయ వ్యవసాయ విజ్ఞానాన్ని ఆధునిక పరిశోధనలతో అనుసంధానిస్తే తక్కువ వనరులతో అధిక దిగుబడులు సాధించే అవకాశం ఉంటుంది. ఆహార భద్రత అంటే కేవలం ఆకలి తీర్చడం కాదు.. ప్రతి ఒక్కరికీ సురక్షితమైన, పౌష్టికాహారం అందేలా చూడటమే అసలు లక్ష్యం.