ఎమ్మెల్యే బొజ్జల సుధీర్‌రెడ్డికి శ్రీ లక్ష్మీ గణపతి డైమండ్ హౌస్ ప్లాట్ అసోసియేషన్ వినతి
రేణిగుంట అక్టోబర్ 13 (రాజనీతి):రేణిగుంట పంచాయతీ పరిధిలోని లక్ష్మి వెంకటేశ్వర నగర్‌ లో నివసిస్తున్న కుటుంబాలకు పంచాయతీ తాగునీటి కనెక్షన్లు మంజూరు చేసి, నీటి సమస్యను పరిష్కరించాలని కోరుతూ శ్రీ లక్ష్మీ గణపతి డైమండ్ హౌస్ ప్లాట్ అసోసియేషన్ ప్రతినిధులు శ్రీకాళహస్తి ఎమ్మెల్యే బొజ్జల వెంకట సుధీర్‌రెడ్డికి వినతిపత్రం సమర్పించారు.
కలుషిత నీటితో ఇబ్బందులు
ఎల్‌.వి. నగర్‌కు సమీపంలోని మరో వెంచర్‌లో సుమారు 40 కుటుంబాలకు ఇప్పటికే పంచాయతీ నీటి కనెక్షన్లు కల్పించారని అసోసియేషన్ ప్రతినిధులు వినతిపత్రంలో పేర్కొన్నారు. అయితే పక్కనే ఉన్న తమ వెంచర్‌కు మాత్రం పంచాయతీ నీటి కనెక్షన్లు ఇవ్వలేదని తెలిపారు. తమ ప్రాంతంలో ప్రస్తుతం వస్తున్న నీటిలో రసాయనాలు కలిసిన నీరు, కలుషిత నీరు ఉండటంతో కుటుంబాలు తీవ్ర ఇబ్బందులు ఎదుర్కొంటున్నాయని ఆవేదన వ్యక్తం చేశారు.
ఎమ్మెల్యే జోక్యం చేసుకోవాలని విజ్ఞప్తి
తాగునీటి సమస్య కారణంగా ఇబ్బందులు పడుతున్న తమ ప్రాంత ప్రజల పరిస్థితిని పరిగణనలోకి తీసుకుని, సంబంధిత పంచాయతీ అధికారులతో మాట్లాడి లక్ష్మి వెంకటేశ్వర నగర్‌కు పంచాయతీ తాగునీటి కనెక్షన్లు మంజూరు చేయించేలా చర్యలు తీసుకోవాలని ఎమ్మెల్యేను కోరారు. ప్రజలకు సురక్షితమైన తాగునీరు అందేలా సమస్యను పరిష్కరించాలని విజ్ఞప్తి చేశారు. శ్రీ లక్ష్మీ గణపతి డైమండ్ హౌస్ ప్లాట్ అసోసియేషన్ అధ్యక్షుడు డాక్టర్‌ టి. ప్రకాశ్‌, ఉపాధ్యక్షుడు ఎ. శ్రీనివాసరెడ్డి, కోశాధికారి ఎల్‌. సూర్యనారాయణ తదితరులు ఈ వినతిని సమర్పించారు. సంబంధిత అధికారులు స్పందించి తాగునీటి సమస్యను పరిష్కరించాలని స్థానికులు కోరుతున్నారు.
కలుషిత నీటితో ఇబ్బందులు
ఎల్‌.వి. నగర్‌కు సమీపంలోని మరో వెంచర్‌లో సుమారు 40 కుటుంబాలకు ఇప్పటికే పంచాయతీ నీటి కనెక్షన్లు కల్పించారని అసోసియేషన్ ప్రతినిధులు వినతిపత్రంలో పేర్కొన్నారు. అయితే పక్కనే ఉన్న తమ వెంచర్‌కు మాత్రం పంచాయతీ నీటి కనెక్షన్లు ఇవ్వలేదని తెలిపారు. తమ ప్రాంతంలో ప్రస్తుతం వస్తున్న నీటిలో రసాయనాలు కలిసిన నీరు, కలుషిత నీరు ఉండటంతో కుటుంబాలు తీవ్ర ఇబ్బందులు ఎదుర్కొంటున్నాయని ఆవేదన వ్యక్తం చేశారు.
ఎమ్మెల్యే జోక్యం చేసుకోవాలని విజ్ఞప్తి
తాగునీటి సమస్య కారణంగా ఇబ్బందులు పడుతున్న తమ ప్రాంత ప్రజల పరిస్థితిని పరిగణనలోకి తీసుకుని, సంబంధిత పంచాయతీ అధికారులతో మాట్లాడి లక్ష్మి వెంకటేశ్వర నగర్‌కు పంచాయతీ తాగునీటి కనెక్షన్లు మంజూరు చేయించేలా చర్యలు తీసుకోవాలని ఎమ్మెల్యేను కోరారు. ప్రజలకు సురక్షితమైన తాగునీరు అందేలా సమస్యను పరిష్కరించాలని విజ్ఞప్తి చేశారు. శ్రీ లక్ష్మీ గణపతి డైమండ్ హౌస్ ప్లాట్ అసోసియేషన్ అధ్యక్షుడు డాక్టర్‌ టి. ప్రకాశ్‌, ఉపాధ్యక్షుడు ఎ. శ్రీనివాసరెడ్డి, కోశాధికారి ఎల్‌. సూర్యనారాయణ తదితరులు ఈ వినతిని సమర్పించారు. సంబంధిత అధికారులు స్పందించి తాగునీటి సమస్యను పరిష్కరించాలని స్థానికులు కోరుతున్నారు.