ఆరు రాష్ట్రాలకు కొత్త గవర్నర్లు.. రాష్ట్రపతి కీలక నియామకాలు!
రాజనీతి | న్యూఢిల్లీ | అక్టోబర్‌ 12, 2026
దేశంలోని ఆరు రాష్ట్రాలకు గవర్నర్లను నియమిస్తూ రాష్ట్రపతి ద్రౌపదీ ముర్ము సోమవారం కీలక నిర్ణయం తీసుకున్నారు. తమిళనాడు, కేరళ, కర్ణాటక, ఒడిశా, ఉత్తరాఖండ్‌, సిక్కిం రాష్ట్రాలకు కొత్త గవర్నర్లను నియమించారు. ఈ మేరకు రాష్ట్రపతి భవన్‌ అధికారిక ప్రకటన విడుదల చేసింది. తాజా నియామకాల్లో ఇద్దరు ప్రస్తుత గవర్నర్లను ఇతర రాష్ట్రాలకు బదిలీ చేయగా, మరో నలుగురికి తొలిసారిగా గవర్నర్‌ బాధ్యతలు అప్పగించారు.
తమిళనాడుకు రాజేంద్ర అర్లేకర్‌.. కేరళకు ఓం ప్రకాశ్‌ మాథుర్‌ | కర్ణాటకకు సుధా యాదవ్‌.. సిక్కింకు దుష్యంత్‌ గౌతమ్‌ | నలుగురికి తొలిసారి అవకాశం.. రాష్ట్రపతి భవన్‌ అధికారిక ఉత్తర్వులు
కేరళ గవర్నర్‌గా పనిచేస్తున్న రాజేంద్ర విశ్వనాథ్‌ అర్లేకర్‌ను తమిళనాడు గవర్నర్‌గా నియమించారు. సిక్కిం గవర్నర్‌గా ఉన్న ఓం ప్రకాశ్‌ మాథుర్‌ను కేరళకు బదిలీ చేశారు. దీంతో సిక్కిం గవర్నర్‌గా దుష్యంత్‌ గౌతమ్‌ను నియమించారు. అర్లేకర్‌ గతంలో హిమాచల్‌ప్రదేశ్‌, బిహార్‌ రాష్ట్రాల గవర్నర్‌గా కూడా పనిచేశారు. గోవా శాసనసభ స్పీకర్‌గా వ్యవహరించిన అనుభవం ఆయనకు ఉంది.
కర్ణాటక గవర్నర్‌గా డాక్టర్‌ సుధా యాదవ్‌ను రాష్ట్రపతి నియమించారు. హరియాణాకు చెందిన ఆమె గతంలో లోక్‌సభ సభ్యురాలిగా పనిచేశారు. బీజేపీ పార్లమెంటరీ బోర్డు సభ్యురాలిగా కూడా బాధ్యతలు నిర్వహించారు. మరోవైపు ఒడిశా గవర్నర్‌గా బ్రజ్‌ మోహన్‌ రామ్‌ను నియమించారు. జార్ఖండ్‌కు చెందిన ఆయన గతంలో పార్లమెంటు సభ్యుడిగా పనిచేశారు.
ఉత్తరాఖండ్‌ గవర్నర్‌గా డాక్టర్‌ ఢాల్‌ సింగ్‌ బిసేన్‌ను నియమించారు. మధ్యప్రదేశ్‌కు చెందిన ఆయన గతంలో ఎమ్మెల్యేగా, రాష్ట్ర మంత్రిగా, లోక్‌సభ సభ్యుడిగా పనిచేశారు. సిక్కిం గవర్నర్‌గా నియమితులైన దుష్యంత్‌ గౌతమ్‌ బీజేపీ జాతీయ ప్రధాన కార్యదర్శిగా పనిచేసిన అనుభవం కలిగి ఉన్నారు. ఈ నలుగురు తొలిసారిగా గవర్నర్‌ పదవులను చేపట్టనున్నారు.
రాష్ట్రపతి భవన్‌ విడుదల చేసిన ప్రకటన ప్రకారం కొత్తగా నియమితులైన గవర్నర్లు తమ తమ రాష్ట్రాల్లో అధికారికంగా బాధ్యతలు స్వీకరించిన తేదీ నుంచి నియామకాలు అమల్లోకి వస్తాయి. ఆరు రాష్ట్రాలకు సంబంధించిన ఈ నియామకాలతో గవర్నర్ల బాధ్యతల్లో మార్పులు చోటుచేసుకోనున్నాయి. కొత్త గవర్నర్ల ప్రమాణ స్వీకార కార్యక్రమాల తేదీలు ఆయా రాష్ట్రాల నుంచి వెల్లడికావాల్సి ఉంది.
దేశంలోని ఆరు రాష్ట్రాలకు గవర్నర్లను నియమిస్తూ రాష్ట్రపతి ద్రౌపదీ ముర్ము సోమవారం కీలక నిర్ణయం తీసుకున్నారు. తమిళనాడు, కేరళ, కర్ణాటక, ఒడిశా, ఉత్తరాఖండ్‌, సిక్కిం రాష్ట్రాలకు కొత్త గవర్నర్లను నియమించారు. ఈ మేరకు రాష్ట్రపతి భవన్‌ అధికారిక ప్రకటన విడుదల చేసింది. తాజా నియామకాల్లో ఇద్దరు ప్రస్తుత గవర్నర్లను ఇతర రాష్ట్రాలకు బదిలీ చేయగా, మరో నలుగురికి తొలిసారిగా గవర్నర్‌ బాధ్యతలు అప్పగించారు.
తమిళనాడుకు రాజేంద్ర అర్లేకర్‌.. కేరళకు ఓం ప్రకాశ్‌ మాథుర్‌ | కర్ణాటకకు సుధా యాదవ్‌.. సిక్కింకు దుష్యంత్‌ గౌతమ్‌ | నలుగురికి తొలిసారి అవకాశం.. రాష్ట్రపతి భవన్‌ అధికారిక ఉత్తర్వులు
కేరళ గవర్నర్‌గా పనిచేస్తున్న రాజేంద్ర విశ్వనాథ్‌ అర్లేకర్‌ను తమిళనాడు గవర్నర్‌గా నియమించారు. సిక్కిం గవర్నర్‌గా ఉన్న ఓం ప్రకాశ్‌ మాథుర్‌ను కేరళకు బదిలీ చేశారు. దీంతో సిక్కిం గవర్నర్‌గా దుష్యంత్‌ గౌతమ్‌ను నియమించారు. అర్లేకర్‌ గతంలో హిమాచల్‌ప్రదేశ్‌, బిహార్‌ రాష్ట్రాల గవర్నర్‌గా కూడా పనిచేశారు. గోవా శాసనసభ స్పీకర్‌గా వ్యవహరించిన అనుభవం ఆయనకు ఉంది.
కర్ణాటక గవర్నర్‌గా డాక్టర్‌ సుధా యాదవ్‌ను రాష్ట్రపతి నియమించారు. హరియాణాకు చెందిన ఆమె గతంలో లోక్‌సభ సభ్యురాలిగా పనిచేశారు. బీజేపీ పార్లమెంటరీ బోర్డు సభ్యురాలిగా కూడా బాధ్యతలు నిర్వహించారు. మరోవైపు ఒడిశా గవర్నర్‌గా బ్రజ్‌ మోహన్‌ రామ్‌ను నియమించారు. జార్ఖండ్‌కు చెందిన ఆయన గతంలో పార్లమెంటు సభ్యుడిగా పనిచేశారు.
ఉత్తరాఖండ్‌ గవర్నర్‌గా డాక్టర్‌ ఢాల్‌ సింగ్‌ బిసేన్‌ను నియమించారు. మధ్యప్రదేశ్‌కు చెందిన ఆయన గతంలో ఎమ్మెల్యేగా, రాష్ట్ర మంత్రిగా, లోక్‌సభ సభ్యుడిగా పనిచేశారు. సిక్కిం గవర్నర్‌గా నియమితులైన దుష్యంత్‌ గౌతమ్‌ బీజేపీ జాతీయ ప్రధాన కార్యదర్శిగా పనిచేసిన అనుభవం కలిగి ఉన్నారు. ఈ నలుగురు తొలిసారిగా గవర్నర్‌ పదవులను చేపట్టనున్నారు.
రాష్ట్రపతి భవన్‌ విడుదల చేసిన ప్రకటన ప్రకారం కొత్తగా నియమితులైన గవర్నర్లు తమ తమ రాష్ట్రాల్లో అధికారికంగా బాధ్యతలు స్వీకరించిన తేదీ నుంచి నియామకాలు అమల్లోకి వస్తాయి. ఆరు రాష్ట్రాలకు సంబంధించిన ఈ నియామకాలతో గవర్నర్ల బాధ్యతల్లో మార్పులు చోటుచేసుకోనున్నాయి. కొత్త గవర్నర్ల ప్రమాణ స్వీకార కార్యక్రమాల తేదీలు ఆయా రాష్ట్రాల నుంచి వెల్లడికావాల్సి ఉంది.