ప్రాణాలకు తెగించి 174 మందిని కాపాడిన భారత పైలట్‌కు ఇజ్రాయెల్‌ అత్యున్నత పురస్కారం!
రాజనీతి | టెల్‌అవీవ్‌ | అక్టోబర్‌ 9, 2026
ఆకాశంలో ప్రాణాపాయ స్థితిలోనూ అసాధారణ ధైర్యసాహసాలు ప్రదర్శించి విమానంలోని 174 మంది ప్రాణాలను కాపాడేందుకు కీలకంగా వ్యవహరించిన భారతీయ పైలట్‌ కెప్టెన్‌ స్మిత్‌ మచ్చర్‌కు ఇజ్రాయెల్‌ ప్రభుత్వం అత్యున్నత పౌర సాహస పురస్కారాన్ని ప్రకటించింది. సెప్టెంబర్‌ 30న ఫ్లైదుబాయ్‌ విమానంలో జరిగిన దాడి సమయంలో తీవ్రంగా గాయపడినప్పటికీ ప్రయాణికుల ప్రాణాలను రక్షించేందుకు ఆయన చేసిన ప్రయత్నాలను గుర్తిస్తూ ‘ప్రెసిడెన్షియల్‌ అవార్డ్‌ ఫర్‌ సివిలియన్‌ హీరోయిజం’ అందజేయనున్నట్లు ఇజ్రాయెల్‌ అధ్యక్షుడు ఐజాక్‌ హెర్జోగ్‌ ప్రకటించారు. ప్రస్తుతం చికిత్స పొందుతున్న మచ్చర్‌ పూర్తిగా కోలుకున్న తర్వాత స్వయంగా పురస్కారాన్ని ప్రదానం చేస్తామని వెల్లడించారు.
సెప్టెంబర్‌ 30న దుబాయ్‌ నుంచి ఇజ్రాయెల్‌లోని టెల్‌అవీవ్‌కు బయలుదేరిన ఫ్లైదుబాయ్‌ ఎఫ్‌జెడ్‌–1073 విమానంలో ఈ ఘటన చోటుచేసుకుంది. విమానం గాల్లో ప్రయాణిస్తున్న సమయంలో ఒమన్‌కు చెందిన కోపైలట్‌ హమ్మామ్‌ అల్‌ హమ్మామీ అకస్మాత్తుగా కెప్టెన్‌ స్మిత్‌ మచ్చర్‌పై దాడి చేసినట్లు అధికారులు వెల్లడించారు. కాక్‌పిట్‌లో ఉన్న గొడ్డలి తరహా అత్యవసర పరికరంతో దాడి చేయడంతో మచ్చర్‌ తలకు తీవ్ర గాయాలయ్యాయి. అనంతరం విమానాన్ని కూల్చివేసేందుకు కోపైలట్‌ ప్రయత్నించినట్లు ఆరోపణలు వెలువడ్డాయి. ఈ సమయంలో విమానం కేవలం 30 సెకన్లలోనే దాదాపు 14 వేల అడుగుల ఎత్తును కోల్పోవడం తీవ్ర కలకలం రేపింది.
విమానంలో కోపైలట్‌ దాడితో తీవ్ర గాయాలు.. రక్తమోడుతున్నా కాక్‌పిట్‌ తలుపులు తెరిచి పెను ప్రమాదాన్ని అడ్డుకున్న స్మిత్‌ మచ్చర్‌ | కోలుకున్న తర్వాత సాహస పురస్కారం అందజేస్తామన్న ఇజ్రాయెల్‌ అధ్యక్షుడు
అయితే తీవ్ర గాయాలతో రక్తస్రావం అవుతున్నప్పటికీ మచ్చర్‌ ధైర్యం కోల్పోలేదు. ప్రాణాపాయ స్థితిలోనూ కాక్‌పిట్‌ తలుపులను తెరవడంతో విమానంలోని ప్రయాణికులు, సిబ్బంది లోపలికి ప్రవేశించే అవకాశం లభించింది. వారు దాడికి పాల్పడిన కోపైలట్‌ను అదుపులోకి తీసుకున్నారు. అనంతరం విమానంలో ప్రయాణిస్తున్న మరో ఇద్దరు అర్హత కలిగిన పైలట్లు విమాన నియంత్రణను చేపట్టి సౌదీ అరేబియాలోని తబూక్‌ విమానాశ్రయంలో సురక్షితంగా దించారు. దీంతో విమానంలో ఉన్న 174 మంది పెను ప్రమాదం నుంచి బయటపడ్డారు. }/>
ఈ ఘటనలో తీవ్రంగా గాయపడిన మచ్చర్‌ను తొలుత సౌదీ అరేబియాలోని ఆసుపత్రికి తరలించారు. తలకు బలమైన గాయం కావడంతో అత్యవసర శస్త్రచికిత్స నిర్వహించారు. అనంతరం మెరుగైన వైద్యం కోసం యునైటెడ్‌ అరబ్‌ ఎమిరేట్స్‌కు తరలించారు. ప్రస్తుతం ఆయన ఆరోగ్యం క్రమంగా మెరుగుపడుతోందని భారత విదేశాంగ శాఖ వెల్లడించింది. అక్కడి భారత రాయబార కార్యాలయం ఆయన కుటుంబ సభ్యులు, వైద్యులతో నిరంతరం సంప్రదింపులు జరుపుతోందని తెలిపింది. <
గురువారం జెరూసలేంలోని అధ్యక్ష భవనంలో నిర్వహించిన కార్యక్రమంలో విమాన ప్రమాదాన్ని అడ్డుకోవడంలో కీలకంగా వ్యవహరించిన ఆరుగురు ఇజ్రాయెల్‌ పౌరులకు సాహస పురస్కారాలను అందజేశారు. ఈ సందర్భంగా అధ్యక్షుడు హెర్జోగ్‌ భారత పైలట్‌ స్మిత్‌ మచ్చర్‌ ధైర్యాన్ని ప్రత్యేకంగా ప్రశంసించారు. అత్యంత క్లిష్ట పరిస్థితుల్లో ఆయన ప్రదర్శించిన సాహసం, వృత్తిపరమైన నైపుణ్యం పెను విషాదాన్ని నివారించాయని కొనియాడారు. మచ్చర్‌ త్వరగా కోలుకోవాలని ఆకాంక్షిస్తూ, ఆయనకు కూడా ఇజ్రాయెల్‌ తరఫున అత్యున్నత పౌర సాహస పురస్కారాన్ని అందజేస్తామని ప్రకటించారు.
భారత ప్రధాని నరేంద్ర మోదీ, ఇజ్రాయెల్‌ ప్రధాని బెంజమిన్‌ నెతన్యాహు కూడా ఇప్పటికే మచ్చర్‌ సాహసాన్ని అభినందించారు. తీవ్రంగా గాయపడినప్పటికీ ప్రయాణికుల ప్రాణాలకు ప్రాధాన్యం ఇచ్చిన ఆయన ధైర్యాన్ని ప్రశంసించారు. మరోవైపు విమానంలో దాడికి పాల్పడిన కోపైలట్‌ ఉద్దేశం ఏమిటన్న అంశంపై దర్యాప్తు కొనసాగుతోంది. ఘటన వెనుక కారణాలు పూర్తిస్థాయిలో నిర్ధారణ కావాల్సి ఉంది.
ఆకాశంలో చోటుచేసుకున్న అనూహ్య ప్రమాద సమయంలో తన ప్రాణాలను సైతం లెక్కచేయకుండా వ్యవహరించిన భారత పైలట్‌ స్మిత్‌ మచ్చర్‌ సాహసం అంతర్జాతీయ స్థాయిలో గుర్తింపు పొందింది. ఆయనకు ఇజ్రాయెల్‌ ప్రభుత్వం ప్రకటించిన పౌర సాహస పురస్కారం భారతీయ వైమానిక రంగానికి ప్రత్యేక గౌరవంగా నిలిచింది.
ఆకాశంలో ప్రాణాపాయ స్థితిలోనూ అసాధారణ ధైర్యసాహసాలు ప్రదర్శించి విమానంలోని 174 మంది ప్రాణాలను కాపాడేందుకు కీలకంగా వ్యవహరించిన భారతీయ పైలట్‌ కెప్టెన్‌ స్మిత్‌ మచ్చర్‌కు ఇజ్రాయెల్‌ ప్రభుత్వం అత్యున్నత పౌర సాహస పురస్కారాన్ని ప్రకటించింది. సెప్టెంబర్‌ 30న ఫ్లైదుబాయ్‌ విమానంలో జరిగిన దాడి సమయంలో తీవ్రంగా గాయపడినప్పటికీ ప్రయాణికుల ప్రాణాలను రక్షించేందుకు ఆయన చేసిన ప్రయత్నాలను గుర్తిస్తూ ‘ప్రెసిడెన్షియల్‌ అవార్డ్‌ ఫర్‌ సివిలియన్‌ హీరోయిజం’ అందజేయనున్నట్లు ఇజ్రాయెల్‌ అధ్యక్షుడు ఐజాక్‌ హెర్జోగ్‌ ప్రకటించారు. ప్రస్తుతం చికిత్స పొందుతున్న మచ్చర్‌ పూర్తిగా కోలుకున్న తర్వాత స్వయంగా పురస్కారాన్ని ప్రదానం చేస్తామని వెల్లడించారు.
సెప్టెంబర్‌ 30న దుబాయ్‌ నుంచి ఇజ్రాయెల్‌లోని టెల్‌అవీవ్‌కు బయలుదేరిన ఫ్లైదుబాయ్‌ ఎఫ్‌జెడ్‌–1073 విమానంలో ఈ ఘటన చోటుచేసుకుంది. విమానం గాల్లో ప్రయాణిస్తున్న సమయంలో ఒమన్‌కు చెందిన కోపైలట్‌ హమ్మామ్‌ అల్‌ హమ్మామీ అకస్మాత్తుగా కెప్టెన్‌ స్మిత్‌ మచ్చర్‌పై దాడి చేసినట్లు అధికారులు వెల్లడించారు. కాక్‌పిట్‌లో ఉన్న గొడ్డలి తరహా అత్యవసర పరికరంతో దాడి చేయడంతో మచ్చర్‌ తలకు తీవ్ర గాయాలయ్యాయి. అనంతరం విమానాన్ని కూల్చివేసేందుకు కోపైలట్‌ ప్రయత్నించినట్లు ఆరోపణలు వెలువడ్డాయి. ఈ సమయంలో విమానం కేవలం 30 సెకన్లలోనే దాదాపు 14 వేల అడుగుల ఎత్తును కోల్పోవడం తీవ్ర కలకలం రేపింది.
విమానంలో కోపైలట్‌ దాడితో తీవ్ర గాయాలు.. రక్తమోడుతున్నా కాక్‌పిట్‌ తలుపులు తెరిచి పెను ప్రమాదాన్ని అడ్డుకున్న స్మిత్‌ మచ్చర్‌ | కోలుకున్న తర్వాత సాహస పురస్కారం అందజేస్తామన్న ఇజ్రాయెల్‌ అధ్యక్షుడు
అయితే తీవ్ర గాయాలతో రక్తస్రావం అవుతున్నప్పటికీ మచ్చర్‌ ధైర్యం కోల్పోలేదు. ప్రాణాపాయ స్థితిలోనూ కాక్‌పిట్‌ తలుపులను తెరవడంతో విమానంలోని ప్రయాణికులు, సిబ్బంది లోపలికి ప్రవేశించే అవకాశం లభించింది. వారు దాడికి పాల్పడిన కోపైలట్‌ను అదుపులోకి తీసుకున్నారు. అనంతరం విమానంలో ప్రయాణిస్తున్న మరో ఇద్దరు అర్హత కలిగిన పైలట్లు విమాన నియంత్రణను చేపట్టి సౌదీ అరేబియాలోని తబూక్‌ విమానాశ్రయంలో సురక్షితంగా దించారు. దీంతో విమానంలో ఉన్న 174 మంది పెను ప్రమాదం నుంచి బయటపడ్డారు. }/>
ఈ ఘటనలో తీవ్రంగా గాయపడిన మచ్చర్‌ను తొలుత సౌదీ అరేబియాలోని ఆసుపత్రికి తరలించారు. తలకు బలమైన గాయం కావడంతో అత్యవసర శస్త్రచికిత్స నిర్వహించారు. అనంతరం మెరుగైన వైద్యం కోసం యునైటెడ్‌ అరబ్‌ ఎమిరేట్స్‌కు తరలించారు. ప్రస్తుతం ఆయన ఆరోగ్యం క్రమంగా మెరుగుపడుతోందని భారత విదేశాంగ శాఖ వెల్లడించింది. అక్కడి భారత రాయబార కార్యాలయం ఆయన కుటుంబ సభ్యులు, వైద్యులతో నిరంతరం సంప్రదింపులు జరుపుతోందని తెలిపింది. <
గురువారం జెరూసలేంలోని అధ్యక్ష భవనంలో నిర్వహించిన కార్యక్రమంలో విమాన ప్రమాదాన్ని అడ్డుకోవడంలో కీలకంగా వ్యవహరించిన ఆరుగురు ఇజ్రాయెల్‌ పౌరులకు సాహస పురస్కారాలను అందజేశారు. ఈ సందర్భంగా అధ్యక్షుడు హెర్జోగ్‌ భారత పైలట్‌ స్మిత్‌ మచ్చర్‌ ధైర్యాన్ని ప్రత్యేకంగా ప్రశంసించారు. అత్యంత క్లిష్ట పరిస్థితుల్లో ఆయన ప్రదర్శించిన సాహసం, వృత్తిపరమైన నైపుణ్యం పెను విషాదాన్ని నివారించాయని కొనియాడారు. మచ్చర్‌ త్వరగా కోలుకోవాలని ఆకాంక్షిస్తూ, ఆయనకు కూడా ఇజ్రాయెల్‌ తరఫున అత్యున్నత పౌర సాహస పురస్కారాన్ని అందజేస్తామని ప్రకటించారు.
భారత ప్రధాని నరేంద్ర మోదీ, ఇజ్రాయెల్‌ ప్రధాని బెంజమిన్‌ నెతన్యాహు కూడా ఇప్పటికే మచ్చర్‌ సాహసాన్ని అభినందించారు. తీవ్రంగా గాయపడినప్పటికీ ప్రయాణికుల ప్రాణాలకు ప్రాధాన్యం ఇచ్చిన ఆయన ధైర్యాన్ని ప్రశంసించారు. మరోవైపు విమానంలో దాడికి పాల్పడిన కోపైలట్‌ ఉద్దేశం ఏమిటన్న అంశంపై దర్యాప్తు కొనసాగుతోంది. ఘటన వెనుక కారణాలు పూర్తిస్థాయిలో నిర్ధారణ కావాల్సి ఉంది.
ఆకాశంలో చోటుచేసుకున్న అనూహ్య ప్రమాద సమయంలో తన ప్రాణాలను సైతం లెక్కచేయకుండా వ్యవహరించిన భారత పైలట్‌ స్మిత్‌ మచ్చర్‌ సాహసం అంతర్జాతీయ స్థాయిలో గుర్తింపు పొందింది. ఆయనకు ఇజ్రాయెల్‌ ప్రభుత్వం ప్రకటించిన పౌర సాహస పురస్కారం భారతీయ వైమానిక రంగానికి ప్రత్యేక గౌరవంగా నిలిచింది.