రాయలసీమలో హార్టికల్చర్‌ హబ్‌.. అక్టోబర్‌ 2న శంకుస్థాపన!
రాజనీతి | ఆంధ్రప్రదేశ్‌ | అక్టోబర్‌ 1, 2026
రాయలసీమలో ఉద్యాన పంటలకు మరింత ప్రోత్సాహం కల్పించే దిశగా ఆంధ్రప్రదేశ్‌ ప్రభుత్వం కీలక అడుగు వేస్తోంది. రాయలసీమ ఇంటిగ్రేటెడ్‌ హార్టికల్చర్‌ హబ్‌కు అక్టోబర్‌ 2న మదనపల్లిలో శంకుస్థాపన చేయనున్నారు. ముఖ్యమంత్రి చంద్రబాబు నాయుడు, కేంద్ర ఆర్థిక మంత్రి నిర్మలా సీతారామన్‌ ఈ కార్యక్రమంలో పాల్గొననున్నారు.
రూ.లక్ష కోట్లతో భారీ ప్రణాళిక మదనపల్లిలో కీలక కార్యక్రమం.. రూ.లక్ష కోట్ల ప్రతిపాదనతో ఉద్యాన రంగానికి కొత్త దిశ
ఈ హార్టికల్చర్‌ హబ్‌ కోసం మొత్తంగా దాదాపు రూ.లక్ష కోట్ల పెట్టుబడుల ప్రణాళిక రూపొందించారు. ఇందులో కేంద్రం నుంచి వివిధ రూపాల్లో రూ.40 వేల కోట్లు, ప్రైవేటు రంగం నుంచి మరో రూ.60 వేల కోట్ల పెట్టుబడులు వస్తాయని ప్రభుత్వం అంచనా వేస్తోంది.
ఆరు జిల్లాల పరిధిలో..
ఈ ప్రాజెక్టు రాయలసీమలోని నాలుగు ఉమ్మడి జిల్లాలతో పాటు ప్రకాశం, నెల్లూరు జిల్లాల పరిధిలో అమలు చేయనున్నారు. ఉద్యాన పంటల సాగుతో పాటు నీటి వినియోగ సామర్థ్యం, ప్రాసెసింగ్‌, నిల్వ, మార్కెటింగ్‌ సదుపాయాలను అనుసంధానించేలా ప్రణాళిక రూపొందిస్తున్నారు.
రైతులకు మార్కెట్‌.. ప్రాసెసింగ్‌కు ప్రాధాన్యం
పండ్లు, కూరగాయలు, పూలు, సుగంధ ద్రవ్యాలు వంటి అధిక విలువ కలిగిన పంటల వైపు రైతులను ప్రోత్సహించడంతో పాటు మైక్రో ఇరిగేషన్‌, కోల్డ్‌ స్టోరేజీలు, ఫుడ్‌ ప్రాసెసింగ్‌ యూనిట్లు, మార్కెట్‌ లింకేజీలు అభివృద్ధి చేయాలని ప్రభుత్వం భావిస్తోంది. దీని ద్వారా పంటలకు విలువ జోడించి విస్తృత మార్కెట్లకు తీసుకెళ్లే అవకాశాలు పెరుగుతాయని అధికారులు చెబుతున్నారు.
201 క్లస్టర్లతో అభివృద్ధి
రాయలసీమ ఇంటిగ్రేటెడ్‌ హార్టికల్చర్‌ హబ్‌ను 201 క్లస్టర్ల ద్వారా అభివృద్ధి చేయాలని ప్రభుత్వం ప్రతిపాదించింది. రైతు ఉత్పత్తిదారుల సంఘాలు (FPOలు), ప్రాసెసింగ్‌ పరిశ్రమలు, మార్కెటింగ్‌ వ్యవస్థలను క్లస్టర్‌ స్థాయి నుంచి రాష్ట్ర స్థాయి వరకు అనుసంధానించే ప్రణాళిక ఉంది.
ఇండియన్‌ స్కూల్‌ ఆఫ్‌ అగ్రికల్చర్‌కు కూడా శంకుస్థాపన
మదనపల్లి కార్యక్రమంలోనే ఇండియన్‌ స్కూల్‌ ఆఫ్‌ అగ్రికల్చర్‌కు కూడా శంకుస్థాపన చేయనున్నారు. రిలయన్స్‌ భాగస్వామ్యంతో ఏర్పాటుకానున్న ఈ సంస్థలో వ్యవసాయ విద్య, శిక్షణతో పాటు AI, డిజిటల్‌ టెక్నాలజీ, వాతావరణ అనుకూల వ్యవసాయం, పంట అనంతర నిర్వహణ వంటి అంశాలపై దృష్టి పెట్టనున్నట్లు సమాచారం.
రాయలసీమ వ్యవసాయానికి కొత్త దిశ?
కరవు ప్రభావిత ప్రాంతంగా ఉన్న రాయలసీమలో నీటి వనరులతో పాటు అధిక విలువ కలిగిన ఉద్యాన పంటల విస్తరణకు ఈ ప్రాజెక్టును ప్రభుత్వం ప్రతిపాదిస్తోంది. ఇప్పటికే హంద్రీ-నీవా, గాలేరు-నగరి వంటి సాగునీటి ప్రాజెక్టులతో నీటి లభ్యత పెంచే చర్యలు కొనసాగుతున్నాయని ప్రభుత్వం చెబుతోంది.
రాయలసీమలో సాగు విధానాన్ని మార్చే లక్ష్యంతో ప్రతిపాదించిన హార్టికల్చర్‌ హబ్‌కు అక్టోబర్‌ 2న శంకుస్థాపన జరగనుండటంతో.. రైతులు, ఉద్యాన రంగం వర్గాల్లో ఈ ప్రాజెక్టుపై ఆసక్తి నెలకొంది.
రాయలసీమలో ఉద్యాన పంటలకు మరింత ప్రోత్సాహం కల్పించే దిశగా ఆంధ్రప్రదేశ్‌ ప్రభుత్వం కీలక అడుగు వేస్తోంది. రాయలసీమ ఇంటిగ్రేటెడ్‌ హార్టికల్చర్‌ హబ్‌కు అక్టోబర్‌ 2న మదనపల్లిలో శంకుస్థాపన చేయనున్నారు. ముఖ్యమంత్రి చంద్రబాబు నాయుడు, కేంద్ర ఆర్థిక మంత్రి నిర్మలా సీతారామన్‌ ఈ కార్యక్రమంలో పాల్గొననున్నారు.
రూ.లక్ష కోట్లతో భారీ ప్రణాళిక మదనపల్లిలో కీలక కార్యక్రమం.. రూ.లక్ష కోట్ల ప్రతిపాదనతో ఉద్యాన రంగానికి కొత్త దిశ
ఈ హార్టికల్చర్‌ హబ్‌ కోసం మొత్తంగా దాదాపు రూ.లక్ష కోట్ల పెట్టుబడుల ప్రణాళిక రూపొందించారు. ఇందులో కేంద్రం నుంచి వివిధ రూపాల్లో రూ.40 వేల కోట్లు, ప్రైవేటు రంగం నుంచి మరో రూ.60 వేల కోట్ల పెట్టుబడులు వస్తాయని ప్రభుత్వం అంచనా వేస్తోంది.
ఆరు జిల్లాల పరిధిలో..
ఈ ప్రాజెక్టు రాయలసీమలోని నాలుగు ఉమ్మడి జిల్లాలతో పాటు ప్రకాశం, నెల్లూరు జిల్లాల పరిధిలో అమలు చేయనున్నారు. ఉద్యాన పంటల సాగుతో పాటు నీటి వినియోగ సామర్థ్యం, ప్రాసెసింగ్‌, నిల్వ, మార్కెటింగ్‌ సదుపాయాలను అనుసంధానించేలా ప్రణాళిక రూపొందిస్తున్నారు.
రైతులకు మార్కెట్‌.. ప్రాసెసింగ్‌కు ప్రాధాన్యం
పండ్లు, కూరగాయలు, పూలు, సుగంధ ద్రవ్యాలు వంటి అధిక విలువ కలిగిన పంటల వైపు రైతులను ప్రోత్సహించడంతో పాటు మైక్రో ఇరిగేషన్‌, కోల్డ్‌ స్టోరేజీలు, ఫుడ్‌ ప్రాసెసింగ్‌ యూనిట్లు, మార్కెట్‌ లింకేజీలు అభివృద్ధి చేయాలని ప్రభుత్వం భావిస్తోంది. దీని ద్వారా పంటలకు విలువ జోడించి విస్తృత మార్కెట్లకు తీసుకెళ్లే అవకాశాలు పెరుగుతాయని అధికారులు చెబుతున్నారు.
201 క్లస్టర్లతో అభివృద్ధి
రాయలసీమ ఇంటిగ్రేటెడ్‌ హార్టికల్చర్‌ హబ్‌ను 201 క్లస్టర్ల ద్వారా అభివృద్ధి చేయాలని ప్రభుత్వం ప్రతిపాదించింది. రైతు ఉత్పత్తిదారుల సంఘాలు (FPOలు), ప్రాసెసింగ్‌ పరిశ్రమలు, మార్కెటింగ్‌ వ్యవస్థలను క్లస్టర్‌ స్థాయి నుంచి రాష్ట్ర స్థాయి వరకు అనుసంధానించే ప్రణాళిక ఉంది.
ఇండియన్‌ స్కూల్‌ ఆఫ్‌ అగ్రికల్చర్‌కు కూడా శంకుస్థాపన
మదనపల్లి కార్యక్రమంలోనే ఇండియన్‌ స్కూల్‌ ఆఫ్‌ అగ్రికల్చర్‌కు కూడా శంకుస్థాపన చేయనున్నారు. రిలయన్స్‌ భాగస్వామ్యంతో ఏర్పాటుకానున్న ఈ సంస్థలో వ్యవసాయ విద్య, శిక్షణతో పాటు AI, డిజిటల్‌ టెక్నాలజీ, వాతావరణ అనుకూల వ్యవసాయం, పంట అనంతర నిర్వహణ వంటి అంశాలపై దృష్టి పెట్టనున్నట్లు సమాచారం.
రాయలసీమ వ్యవసాయానికి కొత్త దిశ?
కరవు ప్రభావిత ప్రాంతంగా ఉన్న రాయలసీమలో నీటి వనరులతో పాటు అధిక విలువ కలిగిన ఉద్యాన పంటల విస్తరణకు ఈ ప్రాజెక్టును ప్రభుత్వం ప్రతిపాదిస్తోంది. ఇప్పటికే హంద్రీ-నీవా, గాలేరు-నగరి వంటి సాగునీటి ప్రాజెక్టులతో నీటి లభ్యత పెంచే చర్యలు కొనసాగుతున్నాయని ప్రభుత్వం చెబుతోంది.
రాయలసీమలో సాగు విధానాన్ని మార్చే లక్ష్యంతో ప్రతిపాదించిన హార్టికల్చర్‌ హబ్‌కు అక్టోబర్‌ 2న శంకుస్థాపన జరగనుండటంతో.. రైతులు, ఉద్యాన రంగం వర్గాల్లో ఈ ప్రాజెక్టుపై ఆసక్తి నెలకొంది.