వైభవంగా ప్రారంభమైన కరకంబాడి కట్ట పుట్టాలమ్మ జాతర

రేణిగుంట సెప్టెంబర్ 8 (రాజనీతి): రేణిగుంట మండలం కరకంబాడి పంచాయతీ పరిధిలో కొలువైన శ్రీశ్రీశ్రీ కట్ట పుట్టాలమ్మ అమ్మవారి జాతర మహోత్సవాలు ప్రతి ఏటా సంప్రదాయబద్ధంగా ఈ ఏడాది కూడా అత్యంత వైభవంగా ప్రారంభమయ్యాయి. సుమారు 400 ఏళ్ల ఘన చరిత్ర కలిగిన అమ్మవారిని కోరిన కోర్కెలు తీర్చే శక్తిస్వరూపిణిగా భక్తులు విశ్వసిస్తారు. బ్రిటిష్‌ కాలం నుంచే అమ్మవారికి విశేష మహిమ ఉందని స్థానికుల నమ్మకం. జాతర సందర్భంగా ప్రత్యేక అభిషేకాలు, అలంకారాలు, అర్చనలు నిర్వహించారు. తిరుపతి, రేణిగుంటతో పాటు పరిసర ప్రాంతాల నుంచి వేలాది మంది భక్తులు తరలివచ్చి అమ్మవారిని దర్శించుకుని మొక్కులు చెల్లించుకున్నారు.