సేవ చేశాడు.. మనసులు గెలిచాడు..చిత్తూరు 12వ డివిజన్ ఇంచార్జ్ గోపీనాథ్‌కు ప్రజా సేవలో దూకుడు!

చిత్తూరు(జర్నలిస్ట్ జ్ఞాన ప్రకాష్): ప్రజా సమస్యల పరిష్కారమే లక్ష్యంగా చిత్తూరు నియోజకవర్గం 12వ డివిజన్ ఇన్‌చార్జి గోపీనాథ్ చేపడుతున్న కార్యక్రమాలు స్థానికంగా చర్చనీయాంశంగా మారుతున్నాయి. చిత్తూరు నియోజకవర్గ శాసనసభ్యులు గురజాల జగన్‌ మోహన్ ఆదేశాల మేరకు డివిజన్ పరిధిలో ప్రజలను నేరుగా కలుసుకుంటూ వారి సమస్యలను తెలుసుకోవడంతో పాటు, వాటిని సంబంధిత అధికారుల దృష్టికి తీసుకెళ్లేందుకు ఆయన చొరవ చూపుతున్నారని స్థానికులు చెబుతున్నారు.గడపగడపకు వెళ్లి ప్రజలను కలుస్తూ ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలపై అవగాహన కల్పించడంతో పాటు.. స్థానికంగా నెలకొన్న సమస్యలను అడిగి తెలుసుకోవడంపై గోపీనాథ్ ప్రత్యేకంగా దృష్టి సారిస్తున్నట్లు తెలుస్తోంది. ప్రజలు తమ సమస్యలను చెప్పుకునేందుకు వచ్చినప్పుడు ఓపికగా విని, సాధ్యమైన పరిష్కారం కోసం సంబంధిత శాఖల అధికారులతో మాట్లాడుతున్నారని స్థానికులు పేర్కొంటున్నారు.రోడ్లు, డ్రైనేజీ, తాగునీరు, వీధి దీపాలు, పారిశుద్ధ్యం తదితర మౌలిక వసతులకు సంబంధించిన సమస్యలను క్షేత్రస్థాయిలో పరిశీలిస్తూ.. వాటి పరిష్కారానికి అవసరమైన చర్యలు తీసుకోవాలని అధికారులను కోరుతున్నారని చెబుతున్నారు. సమస్యలపై కేవలం హామీలు ఇవ్వకుండా వాటి పరిష్కారం కోసం నిరంతరం ప్రయత్నించడం వల్ల ప్రజల్లో ఆయనపై నమ్మకం పెరుగుతోందని స్థానికులు అభిప్రాయపడుతున్నారు.ఇటీవల 12వ డివిజన్ పరిధిలోని వివిధ ప్రాంతాల్లో పర్యటించిన గోపీనాథ్.. ప్రజలతో మమేకమై వారి ఇబ్బందులను తెలుసుకున్నారు. ప్రభుత్వం అందిస్తున్న సంక్షేమ పథకాలు అర్హులైన ప్రతి ఒక్కరికీ చేరేలా చూడాలని, అర్హత ఉన్నవారు ఎలాంటి ఇబ్బందులు ఎదుర్కొనకుండా సంబంధిత అధికారులను సంప్రదించాలని సూచించారు. ప్రజలకు అందుబాటులో ఉండే నాయకత్వమే అవసరమని, పదవులు ఉన్నా లేకపోయినా ప్రజల సమస్యల పరిష్కారానికి కృషి చేయడమే తన బాధ్యతగా భావిస్తున్నానని ఆయన చెబుతున్నట్లు సమాచారం.ఎమ్మెల్యే గురజాల జగన్‌ మోహన్ సూచనలను క్షేత్రస్థాయిలో అమలు చేస్తూ డివిజన్‌లో పార్టీ కార్యక్రమాలతో పాటు ప్రజా సమస్యలపై కూడా దృష్టి పెట్టడం గోపీనాథ్‌కు కలిసొస్తోందని రాజకీయ వర్గాల్లో చర్చ జరుగుతోంది. సమస్య ఉన్న ప్రాంతానికి వెళ్లి పరిస్థితిని తెలుసుకోవడం, సంబంధిత అధికారుల దృష్టికి తీసుకెళ్లడం వంటి కార్యక్రమాలతో ఆయన ప్రజలకు చేరువవుతున్నారని అంటున్నారు.ప్రజా సేవలో చురుగ్గా వ్యవహరిస్తూ అందరికీ అందుబాటులో ఉండే విధానం గోపీనాథ్‌కు స్థానికంగా ప్రత్యేక గుర్తింపు తీసుకొస్తోందని స్థానికులు పేర్కొంటున్నారు. ప్రజల నుంచి వస్తున్న స్పందన, విశ్వాసం భవిష్యత్తులో ఆయన రాజకీయ ప్రస్థానానికి మరింత బలాన్నిచ్చే అవకాశం ఉందని రాజకీయ పరిశీలకులు భావిస్తున్నారు. ప్రజల సమస్యలను తన సమస్యలుగా భావించి ముందుకు సాగుతున్న గోపీనాథ్ సేవా కార్యక్రమాలు 12వ డివిజన్‌లో మరింత విస్తరించాలని స్థానికులు ఆకాంక్షిస్తున్నారు.