గంగమ్మ జాతరలో భక్తుల భద్రతకు పటిష్ట చర్యలు

రేణిగుంట, ఆగస్టు 17 (రాజనీతి): చారిత్రక ప్రాశస్త్యం కలిగిన రేణిగుంట గంగమ్మ జాతర మంగళవారం జరగనున్న నేపథ్యంలో భక్తుల భద్రతకు పటిష్ట చర్యలు చేపట్టినట్లు సీఐ జయచంద్ర తెలిపారు. జాతరకు వేలాది మంది భక్తులు హాజరయ్యే అవకాశం ఉన్నందున ఆకతాయిలు, దొంగల పట్ల అప్రమత్తంగా ఉండాలని సూచించారు. అనుమానాస్పద వ్యక్తులు కనిపిస్తే వెంటనే పోలీసులకు సమాచారం ఇవ్వాలని కోరారు. భక్తుల రక్షణే తమ బాధ్యతని, జాతర ప్రారంభం నుంచి ముగిసే వరకు పోలీసులు నిరంతరం అందుబాటులో ఉంటారని తెలిపారు. సిబ్బంది తమకు కేటాయించిన ప్రాంతాల్లో అప్రమత్తంగా విధులు నిర్వహించాలని సీఐ ఆదేశించారు.